Andreas Hofer - Mit o ejëmpl politich?

Tl Ann cumemoratif dl Tirol 2009 se féjen la dumanda, coche la persona de Andreas Hofer y l mit, nasciù tl tëmp de 200 ani da pertes plu defrëntes, à mo aldidancuei na fazion. Ie pa l sëuracumandant dl „Tiroler Landsturm“ dl 1809, che ie stat bon cun si scizeri de devëncer sun l Bergisel nchinamei la trupes de Napulion, reniant dl mond da ntlëuta, mo n ejëmpl per la jënt y la politica dl didancuei?

Cun l poem eroich „Andreas Hofer – La libertà dl’eguia“ à Felix Mitterer (inscenazion) y Xaver Schwarzenberger (rejia) abù n gran suzes. Dan la prima trasmiscion tl ORF iel unì mustrà na documentazion de Siegfried Steinlechner, che presënta l mit de Hofer tla cusciënza dla jënt dl didancuei. Chësta documentazion unirà lasceda udëi dan mëter man cun la mëisa turonda y vel coche fundamënta sun chëla che l unirà fat la discuscion.