L cuncors fotografich per l Ann cumemoratif: No te desmincë dl daunì!

Trëi raions, trëi lingac, un n daunì: chësta ie la region europeica. Ti trëi raions dl Euregio se anconta tl Ann cumemoratif 2009 la storia cun l daunì. Co cialerà pa chësc mei ora? Móstreneles y fé pea pra l cuncors fotografich per l Ann cumemoratif.

Fé pea ie drët scëmpl. Fotografea chël che ie per té l simbul dl daunì y cëria ti fotografia sun l sit dl Ann cumemoratif www.1809-2009.eu. Tla sezion "Cuncors fotografich" posses ciarië, ora che ti foto, nce mo d'autra nfurmazions o linies de test de spligazion o vel' cumentar.L cuncors fotografich pëia via ai 21 de fauré 2009 y n pò dé ju i lëures nchin al plu tert ai 29 de setëmber 2009. La miëura fotografies unirà crisses ora da na giuria de esperc y la premiazion unirà fata de nuvëmber dl 2009. La giuria ie metuda adum da trëi jurnalisc y trëi fotografs prufescionisc che vën dal Trentin, da Südtirol y dal Land Tirol.

I pesc:
PC dl valëur de 2000 euro
2. Videocamera y software per la elaburazion de films dl valëur de 1500 euro
3. Fotocamera digitela a reflesc dl valëur de 1000 euro
4.- 6. 6. Fotocamera digitela dl valëur de 400 euro
7. - 9. I-Pod touch dl valëur de 200 euro