Chësc fova l Ann cumemoratif!

Cun l pensier duminënt de "La storia anconta l daunì" ova metù man i trëi raions dla Region-Europa l ann cumemoratif 2009. Dai 20 de fauré 2009 nchin ai 20 de fauré 2010 iel unì metù a jì sibe a nord che a sud dl Prëner passa cënt pruiec tl ciamp culturel. Dl 2009 ne jìvela nia mé de festejé, ma de giapé respostes ala dumandes, de coche la se n sta ncueicundì cun Sudtirol, l Trentin y l "Land" Tirol, cie che n pò al didancuei se tò pea di eroes da n iede y a ce duvieres che l ie da ti sté do. Chësta plata ie da udëi coche na documentazion virtuela dl ann cumemoratif 2009. Tl proscim gran ann cumemoratif 2059 sarà n grum de prioriteies nia plu la medemes y l sarà da ti vester a d?autra ndesfidedes. I cuntenuc de chësta plata internet termenea eder bele sën i pei de sëida, dedite da chëi che se mbincion l Tirol dl 2059: la Region-Europa dassëss vester davierta al mond, nraviseda y mpo toleranta, n raion che ne se mët nia sot a tle en cont dl svilup, dla inuvazion, ma che proa cun piesc y cun mans a vester ativa de chësc viers.